Mnuih ƀuôn sang mdưm klei đăo knang hlăm dŭm hdră êlan yuôm bhăn mơ̆ng Klei bi kƀĭn, kbưi hĭn jing dŭm hdră êlan mđĭ kyar mrâo mơ̆ng lăn čar.

Ti ƀuôn sang Dak Lak, klei mơak kkuh drông Klei bi kƀĭn prŏng phung bi ala kluôm ala tal XIV mơ̆ng Đảng dưi bi êdah hŏng bruă ngă jăk siam.

Mơ̆ng hla čhiăm gru hrah kđuh phiơr ti anăp sang rông truh kơ ênai čing čhar, čeh kpiê leh anăn klei kdŏ čhuang djiêô dram pui, mnuih ƀuôn sang dŭm ƀuôn êlan mơĭt klei đăo knang, klei čang hmăng hlăm Klei bi kƀĭn prŏng Đảng. Ti čar Gia Lai, djăp ktuê êlan, wăl mnuih ƀuôn sang, anôk bruă jăk siam hla čhiăm gru, mnga, klei hâo hưn mtô mblang.

Mơ̆ng ktuê êlan ktuê hang ksĭ truh kơ krĭng wăl ƀuôn prŏng, krĭng knông lăn, klei jăk siam mkra mlih, kdrưh kơăm, lar bra ai êwa kkuh drông klei kđi čar yuôm bhăn mơ̆ng lăn čar.