Lĭng kahan Dak Lak pah mni dŭm êbâo cô tui hriăm lehanăn hluê ngă gru mngač Awa
Thứ sáu, 08:53, 09/05/2025 Pô mblang: H’Nêč Êñuôl Pô mblang: H’Nêč Êñuôl
VOV4.Êđê - Hruê 8/5, Knơ̆ng gĭt gai lĭng kahan čar Dak Lak mkŏ mjing leh Klei bi kƀĭn ksiêm wĭt lehanăn bi mni kơ dŭm gru mngač êdah êdi hlăm 10 thŭn hluê ngă Asăp mtrŭn mơ̆ng Phŭn bruă kđi čar kơ hdră “Mtrŭt mđĭ klei tui hriăm lehanăn hluê ngă gru mngač, knhuah hdĭp jăk Hồ Chí Minh”.

Êbeh 1.300 čô lehanăn 1.600 êpul êya hlăm êpul mâo dŭm gưl pah mni, brei ƀuh klei đĭ lar êlam lehanăn tŭ dưn mơ̆ng hdră mtrŭt mjhar. 10 thŭn êgao, êpul kahan čar Dak Lak mjing leh lu klei bi mlih yuôm bhăn mơ̆ng “Klei thâo săng” truh kơ “Hluê ngă” klei mĭn, knhuah mngač mơ̆ng Awa.

Hdră pŏk ngă mâo leh lu gru hmô jăk, hdră ngă jăk, dưi mđĭ lar ti dŭm anôk bruă, êpul êya, msĕ si: Hdră mđung asăp “Grăp hruê sa klei Awa mtă”, gru hmô “Blŭ đŭt, čih khuăt, đru kčĕ djŏ, ktrâo lač klă, ksiêm dlăng nik, ba wĭt boh tŭ”, dŭm hdră “Knăm 7 ba anăp”, “Knăm kjuh mtah”, “Năng hŏng anăn knăl Lĭng kahan Awa Hô ênuk gưl mrâo”… Ƀri gưl anei, bruă Đảng – Knơ̆ng gĭt gai lĭng kahan čar Dak Lak bi mni leh kơ 35 êpul, mnuih êdah êdi hlăm bruă tui hriăm, hluê ngă klei mĭn, knhuah mngač mơ̆ng Hồ Chí Minh wưng thŭn 2016-2025.

Pô mblang: H’Nêč Êñuôl

Viết bình luận

TIN CÙNG CHUYÊN MỤC

Video

Bi mni kơ Awa Hô
Tiếng chuông ngân (Jingle Bells)
24/12/2024
Ru em
27/11/2024
Vi yông ‘nhă kơ ba
11/11/2024