Dŭm hruê anei, Êpul kahan 34 ( Phŭn bruă lĭng kahan) dôk hrăm mbĭt mdơ̆ng 100 boh sang kơ dŭm gŏ êsei mnuih ƀuôn sang ti Gia Lai leh anăn Dak Lak luč pưk sang hlăm gưl êa lip mrâo êgao, hlăm anăn mâo 70 boh sang ti Gia Lai leh anăn 30 boh sang ti Dak Lak.

Leh hmư̆ klei mtă, êbeh 600 čô knuă druh, lĭng kahan hŏng lu kdrăp mnơ̆ng mjêč nao ti alŭ wăl, mbha êpul klam bruă grăp alŭ wăl, bi hgŭm kjăp hŏng bruă sang čư̆ êa alŭ wăl leh anăn gŏ êsei mnuih ƀuôn sang čiăng ksiêm dlăng mjêč, mâo hdră msir leh anăn mkŏ mjing rŭ mdơ̆ng, rơ̆ng djŏ hdră mnêč, êđăp ênang leh anăn djŏ hnơ̆ng; Đại tá Phạm Hồng Sơn, K’iăng Khua dlăng bruă Đảng Êpul kahan 34 brei thâo, jih jang êpul, wăt lĭng kahan mơ̆ng anôk bruă, dưi iêô mkrum čiăng rơ̆ng klei suaih pral kơ phung lĭng kahan leh anăn klei tŭ dưn bruă knuă. Êpul kahan 34 kčah klei kñăm bi leh dŭm boh sang êlâo hruê 20/1/2026, đru kơ mnuih ƀuôn sang hnưm hơĭt klei hdĭp mda leh anăn hmao drông Tết hlăm sang mrâo.