Mmông lông ruĕ kahan mâo klei nao hgŭm mơ̆ng êbeh 40 êbâo čô hlăm dŭm êpul lĭng kahan yang ƀuôn, kahan ksiêm yang ƀuôn, êpul mnuih ƀuôn sang, êpul dôk dơ̆ng leh anăn êpul kdrăp yua lĭng kahan, êdeh lĭng kahan, mbĭt hŏng klei nao hgŭm mơ̆ng mnuih ƀuôn sang. Boh nik pŏk mmông lông ruĕ kahan jing klei hlăk mblang mkŏ mơ̆ng anôk bi kƀĭn Khánh Hoà, hŏng rup, clip ruĕ kahan ti êa ksĭ, mâo klei nao hgŭm mơ̆ng hô̆ mur, kŭm păn ƀrăm pui, dŭm kŭm păn kahan ksiêm êa ksĭ, lĭng kahan, êdeh dak wak…

Hŏng dŭm knhuang êbat ktang, pruê̆ khuăt mơ̆ng êpul lĭng kahan, kahan ksiêm leh anăn êpul mnuih ƀuôn sang dưi bi râo klei ktưn hưn djuê ana, bi râo klei mĭn ênuk kdrăm kơah mơ̆ng lăn čar hlăm klei krŭ kdơ̆ng, mkŏ mjing leh anăn răng mgang lăn čar. Hluê si hdră kčah, êlâo kơ mŭt hlăm knăm bi hdơr klă klơ̆ng hlăm hruê 2/9, Klei lông ruĕ kahan kluôm srăng mkŏ mjing hlăm aguah hruê 30/8.