Hlăm 5 thŭn êgao, bruă anei mâo ngă leh hlăm dŭm boh čar, ƀuôn prŏng, mkŏ mjing leh êbeh 300 êbâo boh adŭ mjuăt bi hriăm kơ klei doh êƀăt mnơ̆ng ƀơ̆ng, mtrŭt mjhar mâo êbeh 8,5 êklăk gŏ sang lehanăn phung čhĭ mnia hliê ngă klei ƀuăn duh mkra mnia mblei mnơ̆ng doh. Hlăm hdră mtrŭt mjhar mâo dŭm bruă brei ngă bi djăp ênoh čuăn doh VietGAP, hŏng giăm 9 êbâo mta mnơ̆ng djăp ênoh čuăn OCOP; dŭm êbâo êpul hgŭm bruă mâo kčĕ đru lŏ bi kjăp, mđĭ ai bi ktưn hlăm anôk mnia mblei hlăm ala čar lehanăn čhĭ kơ ala tač êngao.

Blŭ klah čŭn ti anôk bi kƀĭn, k’iăng khua knŭk kna Lê Thành Long mñă, wưng tinăp lŏ mlih mrâo hdră êlan mă bruă, tui tiŏ bruă duh mkra doh, bruă bi mlih mrô, lehanăn mlih mrâo hŏng klei mbruă. Djăp gưl bi hlue ngă bruă mđĭ kyar doh hlăm mnơ̆ng ƀơ̆ng huă, đru bi răng mgang klei suaih pral jih jang mnuih, lehanăn mđĭ kyar bruă pla mjing hŏng klei kjăp./.