Hdră bhiăn Năng lượng Nguyên tử dưi mtrŭn thŭn 2008, leh 17 thŭn hlue ngă bi êdah lu klei kƀah, ka dưi ngă djŏ klei čiăng mđĭ kyar lăn čar ară anei, ka dưi bi êdah djăp ênŭm klei kuôl kă lu ala čar, hlăm anăn mâo Việt Nam hgŭm… Kyua anăn, bruă mkra mlih hdră bhiăn jing čiăng snăk đru Việt  Nam ngă djŏ klei čiăng mđĭ kyar năng lượng nguyên tử hlăm boh klei mrâo, boh nik lŏ kơrŭ wĭt hdră ngă bruă pui kmkă hạt nhân, ba dŭm sang mkra mjing hạt nhân Ninh Thuận 1 leh anăn 2 hlăm klei ba yua wưng 2030-2035.

Ăt hlăm aguah anei, Bruă kƀĭn ala hmư̆ Hră akâo leh anăn Hưn mdah klei ksiêm dlăng hră čih Hdră bhiăn mkra mlih, mbŏ dŭm mta klei mơ̆ng Hdră bhiăn msir mgaih klei ngă soh; hră čih Hdră bhiăn mkra mlih, mbŏ dŭm mta mơ̆ng Hdră bhiăn mtrŭn hlue si klei kčah; hră čih mkra mlih, mbŏ dŭm mta mơ̆ng Klei kčah mtrŭn klei bi kƀĭn Bruă kƀĭn ala. Tlam, Bruă kƀĭn ala bi trông hlăm êpul kơ: hră čih Hdră bhiăn hgŭm hlăm êpul răng mgang klei êđăp ênang mơ̆ng Êpul hgŭm lu ala čar; hră čih Hdră bhiăn kơ Ngăn Prăk knŭk kna (mkra mlih)…