Mơ̆ng aguah 10/9, êdeh mdiăng mnơ̆ng 15 ton mă leh mnơ̆ng đru dŏng ti Wăl tač 10/3, ƀuôn prŏng Ƀuôn Ama Thuôt. Knŏng hlăm sa aguah, êdeh dăp leh lu mta mnơ̆ng yua aguah tlam msĕ si ƀung hdang krô, ƀêñ mmih, êa mnăm, êa ksâo, ao mlut, ao mđao. Amâo djŏ knŏng ba mnơ̆ng tinăn ôh, lu mnuih lŏ bi lar klei hâo hưn hlăm hla pŏk web ala ƀuôn čiăng lar bra hdră.

Lu mnuih ƀuôn sang nao ba, mơ̆ng phung hđeh sang hră, phung mă bruă, lĭng kahan, leh anăn wăt phung khua thŭn. Êpul mâo ai tiê kmah anei brei thâo, hdră anei srăng ngă truh hruê 14/9, dŭm gưl êdeh mdiăng mnơ̆ng knŏng mă mnơ̆ng yua aguah tlam, amâo mă ôh prăk. Mbĭt hŏng Dak Lak, êpul ăt mkŏ mjing hdră tŭ mă mnơ̆ng đru ti kdriêk Dak Song, čar Dak Nông, čar Gia Lai leh anăn čar Kon Tum.