Klei bi kƀĭn mkŏ mjing mơ̆ng hruê 22-23/12 bi trông,  brei klei blŭ kơ tlâo boh phŭn prŏng: Êpul bruă kơ klei mprăp mnuih mă bruă Klei bi kƀĭn tal XIV mơ̆ng Đảng; Êpul bruă kơ hră čih hră mơar hưn mdah Klei bi kƀĭn tal XIV mơ̆ng Đảng; dŭm bruă čiăng mkŏ mjing Klei bi kƀĭn phung bi ala kluôm ala tal XIV mơ̆ng Đảng.

Khua gĭt gai Đảng Tô Lâm mñă klă, anei jing Klei bi kƀĭn gưl dlông knhal tuč mơ̆ng wưng Klei bi kƀĭn tal XIII, ksiêm dlăng, brei klei blŭ kơ dŭm bruă čiăng mkŏ mjing tŭ jing Klei bi kƀĭn phung bi ala kluôm ala tal XIV mơ̆ng Đảng. Phung bi ala brei kƀĭn klei thâo, bruă klam, klă mmngač, mtăp mđơr hlăm klei ruah mnuih mă bruă hưh mthâo kơ Klei bi kƀĭn tal XIV mơ̆ng Đảng, hlăm anăn mguôp klei blŭ hŏng dŭm boh phŭn hdră klei bi kƀĭn .