Hdră bruă hmăi kơ hlăm brô 477 gŏ êsei, hŏng êbeh 2000 čô mă bruă ti să Phước Dinh. Klei kñăm mơ̆ng Hdră bruă jing rơ̆ng kơ mnuih ƀuôn sang nao ti anôk dôk mrâo mâo klei găl hdĭp mda  bi knar amâodah jăk hĭn kơ anôk hđăp, grăp knhuang hơĭt kjăp hdră duh ƀơ̆ng sui.

Ênoh bi liê hdră bruă êbeh 3.200 êklai prăk. Čiăng bi leh Hdră bruă Sang pui kmlă hạt nhân Ninh Thuận 1 leh anăn 2 êlâo kơ thŭn 2031, Bruă kƀĭn ala mâo leh klei bhiăn, hdră êlan mdê hjăn, boh nik hdră êlan tla hnô, đru, lŏ mkŏ mjing anôk dôk ti hnơ̆ng lu hĭn kñăm rơ̆ng klei dưi djŏ klă kơ mnuih ƀuôn sang. K’iăng Khua knŭk kna Bùi Thanh Sơn mtă kơ dŭm phŭn, dhar bruă, alŭ wăl djŏ tuôm mjêč pŏk ngă bruă duh kơ mnuih ƀuôn sang, ruh mgaih anôk ala djŏ tui si hdră kčah hdră bhiăn, rơ̆ng hdră duh ƀơ̆ng sui kơ mnuih ƀuôn sang.