Mlam mmăt mbrue 25/12 ti Hà Nội mkŏ mjing leh hdră“Hồ Chí Minh – êlan kơ klei êpa mhao 2025” hŏng akŏ “Việt Nam mdrŏng sah”, mpŭ mni kơ dŭm êpul lehanăn mnuih jing kdlưn hĭn hlăm kluôm ala klei tui hriăm lehanăn hlue ngă knhuah mngač Hồ Chí Minh. Hlăm 90 mnĭt, mâo bi êdah dŭm knhuah siam, lehanăn ai tiê thâo duh myơr, mâo klei đua klam, klei knhêč kơ kyua ƀuôn sang, mơ̆ng anăn bi lar dŭm klei jăp siam mjing boh kdrŭt prŏng hlăm bruă bi ktưn thâo khăp kơ lăn čar.

Nao lehanăn blŭ hrăm, Khua gĭt gai Đảng Tô Lâm mñă, ti gŭ klei kiă kriê mơ̆ng Đảng, klei mlih mrâo prŏng hlăm bruă dăp wĭt jih jang bruă kđi čar hlue hdră êlan khuăt kjăp, anăp truh kơ bruă mkŏ mjing bruă sang čư̆ êa giăm mnuih ƀuôn sang, kyua mnuih ƀuôn sang mâo ngă tŭ jing leh hlăm dŭm hdră êlan mđĭ kyar bruă duh mkra ala ƀuôn, duh mĭn kơ klei hdĭp mda mnuih ƀuôn sang.  Khua gĭt gai Đảng Tô Lâm mtă kơ kluôm Đảng, jih jang bruă kđi čar lŏ dơ̆ng gĭr “amâo mâo lui sa čô mnuih kơ tluôn ôh, pŏk phai anôk kơ bruă mđĭ kyar lăn čar./.