Phŭn bruă kđi čar ruah hruê 24/11 grăp thŭn jing “Hruê Dhar kreh Việt Nam”, hruê anei mnuih mă bruă dưi mdei, dưn ênŭm prăk mlan, čiăng kơ mnuih ƀuôn sang mđĭ hĭn klei dưi dưn dhar kreh, êpul čih mčeh, kdŏ mmuñ mâo klei mđĭ ai hlăm ala ƀuôn, hluê ngă knhuah hdĭp kreh dhar. Khua gĭt gai Đảng Tô Lâm siñê leh Hdră mtrŭn mrô 80 mơ̆ng Phŭn bruă kđi čar kơ hdră mđĭ kyar dhar kreh Việt Nam.

Phŭn bruă kđi čar hưn klă klei mĭn mđĭ kyar dhar kreh, anak mnuih jing tur knơ̆ng, klei găl mâo yuôm bhăn, boh kdrŭt phŭn đru kơ hdră đĭ kyar pral lehanăn hơĭt kjăp mơ̆ng ala čar. Duh kơ dhar kreh jing duh kơ hdră mđĭ kyar hơĭt kjăp ala čar, kơ êdei anăp djuê ana. Mđĭ lar jih boh tŭ yuôm lehanăn ai ktang dhar kreh, anak mnuih Việt Nam hlăm ênuk gưl mrâo./.