Phung bi ala kơ mnuih ƀuôn sang đăo knang hlăm klei Đảng gĭt gai, čang hmăng Klei bi kƀĭn tal XIV leh anăn mđĭ kyar lăn čar hlăm wưng mrâo
Thứ năm, 09:00, 25/12/2025
H'Zawut Ƀuôn Yă/VOV Tây Nguyên
H'Zawut Ƀuôn Yă/VOV Tây Nguyên
VOV.Êđê- Aguah 24/12, Dhar bruă kƀĭn ala mkŏ mjing Klei bi trông tal 52, hmư̆ leh anăn bi trông klei hưn mđah mơ̆ng Knơ̆ng bruă klei mnuih ƀuôn sang čiăng kơ bruă čung ba mnuih ƀuôn sang mlan 11/2025.
Hlue si klei hâo hưn, phung bi ala leh anăn mnuih ƀuôn sang kluôm ala lŏ dơ̆ng mđing uêñ, đăo knang hlăm klei Đảng gĭt gai hlăm bruă mkŏ mjing Đảng, bruă kđi čar leh anăn bruă knuă druh, mbĭt anăn čang hmăng hlăm hdră mprăp kơ Klei bi kƀĭn phung bi ala kluôm ala tal XIV mơ̆ng Đảng, ăt msĕ mơh hdră tă mđĭ kyar bruă duh mkra- ala ƀuôn thŭn 2026 leh anăn dŭm thŭn kơ anăp.
phung bi ala leh anăn mnuih ƀuôn sang brei thâo, rŭng răng ti anăp bôh klei angĭn êbŭ, êa lip kjham ti kwar Krah leh anăn lu alŭ wăl čư̆ čhiăng, ngă luč liê kơ mnuih leh anăn ngăn drăp; čih yap klei pral mơ̆ng Knŭk kna, klei ngă bruă mơ̆ng dŭm êpul bruă djŏ tuôm leh anăn knŭk kna alŭ wăl hlăm klei đru dŏng, mbĕ đuĕ mnuih ƀuôn sang, mkhư̆ ƀiă hĭn klei luč liê.
Viết bình luận