Ênoh tue đăo tĭng mâo 5,2 êklăk gưl, đĭ lu hĭn  1 blư̆ mkrah mkă hŏng wưng anei thŭn êlâo. Hlăm anăn, tue ala tač êngao giăm 100.000 gưl, đĭ lu hĭn 3 blư̆. Ênoh hrui wĭt bruă hiu čhưn ênguê mâo 3.700 êklai prăk, đĭ 2,5 blư̆ mkă hŏng thŭn 2024. Lu anôk truh ti čar lŏ dơ̆ng iêô jak lu tue hiu čhưn.

Êdah êdi jing wăl hiu čhưn dlăng Măng Đen, dŭm ƀuôn hiu čhưn ênguê êpul êya nah Yŭ leh anăn dŭm anôk hiu čhưn ênguê êa ksĭ, plao ksĭ nah Ngŏ mâo Lý Sơn, Sa Huỳnh, Mỹ Khê. Klei đĭ kyar ktang mơ̆ng hiu čhưn ênguê Quảng Ngãi mơ̆ng bruă pŏk mlar wăh hiu čhưn leh mkŏ dăp, đru mkŏ tŭ dưn plah wah krĭng êa ksĭ nah Ngŏ hŏng wăl hiu čhưn ênguê êpul êya nah Yŭ, mkŏ mjing dŭm êlan, anôk hiu čhưn ênguê lu jơr, hdơ̆ng bi đru. Boh nik, mnuih ƀuôn sang hgŭm mkăp hdră bruă, kriê pioh mnơ̆ng ƀơ̆ng, knăm mơak leh anăn bruă djuê ana, đru răng kriê dhar kreh, mđĭ prăk hrui wĭt, mđĭ klei hdĭp mda.