Hluê ngă hdră mtrŭn mơ̆ng Bruă Kbĭn ala, truh kơ ară anei, kluôm lăn čar dưi ruh mgaih leh anăn mâo hdră tă ruh mgaih kơ 5.200 hdră êlan, lăn ala hŏng 70 êbâo hc dưi ba yua leh…Hlăm klei kƀĭn trông, Khua Knŭk kna Phạm Minh Chính lač, ară anei hlăm kluôm ala mâo giăm 3000 hdră êlan dleh dlan, kpăk gun. Dŭm phŭn, dhar bruă, alŭ wăl mjêč hluê ngă dŭm hdră êlan, ruh mgaih, hưn mdah klă kơ klei dưi mgaih msir.

Djŏ tuôm hŏng bruă hluê ngă hdră ala čar kñăm, Khua Knŭk kna Phạm Minh Chính mñă kơ Phŭn bruă lŏ hma leh anăn wăl hdĭp mda mjêč ngă klei hưn mdah ksiêm duah, ba mdah hdră êlan klei bi duh bi liê mơ̆ng hdră ala čar kñăm wưng thŭn 2026 - 2030, hlăm mlan 1/2026, hluê si klei mbha gưl, mbha klei dưi jih hnơ̆ng kơ dŭm alŭ wăl. Kñăm mkŏ mjing hdră êlan hluê ngă mâo mta kñăm, mâo phŭn, djŏ guôp hŏng klei găl mâo mơ̆ng grăp krĭng, grăp alŭ wăl, ñĕ kơ klei khă bi mâo, mđing tal êlâo kơ dŭm alŭ wăl dleh dlan. Mkŏ mjing dŭm klei bi hmô hơĭt kjăp, mđĭ kyar mtah leh anăn bi mguôp ngă bruă, kñăm kơ bruă bi mlih klei mĭn, hdră ngă bruă, mđĭ hĭn klei thâo săng, mđĭ ai čiăng kơ mnuih ƀuôn sang dưi tlaih ƀun, bi lông ktưn đĭ kơ mdrŏng./.