Hlăm klei kƀĭn, Khua Knŭk kna mñă hlăm wưng kơ anăp Phŭn bruă tuh tia bi leh hră mơar, hưn mdah bruă mjưh mdei klei bi mguôp duh bi liê rŭ mdơ̆ng sang măi pui kmlă hạt nhân Ninh Thuận 2 hŏng ƀĭng hgŭm êlâo anăn leh anăn bruă blŭ hrăm hŏng ai tiê, bi kna boh tŭ, đru bi gui klei truh djŏ hŏng hdră bhiăn tar rŏng lăn leh anăn hdră bhiăn djŏ tuôm. Êngao kơ năn, čŏng pô bi mguôp hŏng dŭm phŭn bruă, anôk bruă ngă bruă klam čiăng bi trông, blŭ hrăm hŏng phung ƀĭng hgŭm kơ bi mguôp duh bi liê rŭ mdơ̆ng sang măi pui kmlă hạt nhân Ninh Thuận 1, hmao hưn mdah hŏng gưl bruă mâo klei dưi kơ dŭm boh klei bluh mâo.

Khua Knŭk kna jao kơ Phŭn bruă ngăn prăk bi mguôp hŏng Bruă sang čư̆ êa čar Khánh Hoà ksiêm dlăng, bi mbŏ ngăn prăk gưl dlông čiăng ngă hdră mbĕ đuê̆ mnuih ƀuôn sang, dăp anôk dôk mrâo, ruh mgaih anôk ala kơ sang măi pui kmlă hạt nhân Ninh Thuận. Mbĭt anăn mjêč bi mguôp hŏng dŭm phŭn, dhar bruă djŏ tuôm, čŏng mkŏ mjing klei blŭ hrăm kơ bruă mkăp brei ngăn prăk kơ dŭm hdră sang măi pui kmlă hạt nhân Ninh Thuận 1, Ninh Thuận 2, rơ̆ng djŏ hŏng klei kuôl kă duh bi liê rŭ mdơ̆ng sang măi čiăng bi klă hlăm mlan 3 kơ anăp./.