Ti anôk mă bruă,Thượng tướng Đỗ Xuân Tụng mtă hlăm wưng ti anăp, Lĭng kahan răng mgang knông lăn Dak Lak brei thâo klă klei mrâo ti alŭ wăl, pŏk ngă kjăp hdră bruă knông lăn, mđĭ hdră gang mkhư̆, bi kdơ̆ng hŏng phung ngă soh ti krĭng knông kăn, bi hgŭm kjăp hŏng êpul djŏ tuôm lehanăn êpul răng mgang knông lăn Campuchia hlăm hdră kriê dlăng, răng mgang knông lăn ala čar.

Thượng tướng Đỗ Xuân Tụng mtă kơ anôk bruă mđing răng mgang klei êđăp ênang hlăm dŭm wưng prŏng, yuôm bhăn msĕ si hdră ruah phung bi ala bruă kƀĭn ala gưl XVI, bi ala êpul gơ̆ng bruă ƀuôn sang dua gưl wưng thŭn 2026–2031; lŏ dơ̆ng pŏk ngă tŭ dưn dŭm hdră bruă, gru hmô mđĭ kyar bruă duh mkra – ala ƀuôn, ngă jăk hdră kdơ̆ng mblah, mkŏ mjing hdră drông Têt djuê ana êđăp ênang, mkiêt mkriêm, bi hgŭm mguôp kơ lĭng kahan lehanăn mnuih ƀuôn sang./.