Aguah (17/9), ti Anôk bi kƀĭn Trường Chinh ti ƀuôn prŏng Đà Nẵng, mphŭn pŏk klei bi kƀĭn bruă Đảng ƀuôn prŏng Đà Nẵng tal I, wưng 2025-2030. Blŭ hrăm gĭt gai hlăm Klei bi kƀĭn, Khua hlăm Anôk dlăng bruă Đảng Trần Cẩm Tú mñă klă: Klei bi kƀĭn phung bi ala tal sa Bruă Đảng ƀuôn prŏng Đà Nẵng bi mklă klei kñăm, bruă klam wưng 2025-2030 kluôm hlăm dŭm mta bruă: duh mkra, dhar kreh, ala ƀuôn, wăl hdĭp mda, lĭng kahan, klei êđăp ênang leh anăn bruă mkŏ mjing Đảng. 

Trần Cẩm Tú mtă kơ bruă Đảng ƀuôn prŏng kƀĭn mkŏ mjing Đảng leh anăn bruă kđi čar doh mngač, kjăp ktang; mkŏ mjing êpul knuă druh, boh nik phung khua gĭt gai dŭm gưl mâo djăp klei thâo, kơhưm, jhŏng mĭn, jhŏng ngă, jhŏng mlih mrâo, jhŏng êdah kdlưn kyua klei tŭ dưn mbĭt. Hlăm anôk mphŭn pŏk klei bi kƀĭn bruă Đảng ƀuôn prŏng Đà Nẵng tal I, wưng 2025-2030 hưn mdah leh Hdră mtrŭn mơ̆ng Gưl dlông kơ klei ruah Êpul dlăng bruă Đảng ƀuôn prŏng Đà Nẵng wưng mrâo mâo 75 čô. Lương Nguyễn Minh Triết lŏ dơ̆ng ngă Khua dlăng bruă Đảng ƀuôn prŏng Đà Nẵng, wưng 2025-2030.