Ti anôk bi kƀĭn, Kơiăng khua Anôk bruă kiă kriê klei hâo hưn lehanăn Đru čung ba mnuih ƀuôn sang gưl dlông Lại Xuân Môn bi mni kơ dŭm anôk bruă, êpul êya pral pŏk ngă bruă klam djŏ hdră kčah. Mñă mơ̆ng ară anei truh kơ Klei bi kƀĭn phung bi ala kluôm ala čar tal 14 mơ̆ng Đảng dôk bhiâo, Lại Xuân Môn mtă kơ dŭm anôk bruă, êpul êya mđĭ lar ai tiê đua klam mđing pŏk ngă kjăp dŭm bruă klam, hlăm anăn: Hnưm ksiêm dlăng mprăp anôk ala, dŭm êpul pral hưn mdah hdră kčah mkŏ mkra.

Dŭm anôk bruă pral ngă bruă, rơ̆ng hnơ̆ng tŭ jăk, pral bi trông hŏng Anôk bruă kiă kriê klei hâo hưn lehanăn Đru čung ba mnuih ƀuôn sang gưl dlông, phung Khua anôk bruă klei mrâo mơ̆ng Klei bi kƀĭn tal 14 mơ̆ng Đảng kơ dŭm bruă bluh mâo./.