Khua knŭk kna bi mni kơ klei gĭr leh anăn boh tŭ hlăm bruă msir boh jhat kyua ƀom min hlăm 15 thŭn êgao; bi êdah klei hdơr knga kơ Knŭk kna dŭm ala čar, dŭm êpul bruă lu ala čar hrăm mbĭt hŏng Việt Nam hlăm klei msir mgaih boh jhat klei bi blah, msir boh jhat mơ̆ng ƀom, boh mtuh.

Khua knŭk kna mtă hlăm wưng kơ anăp mđĭ pral hnơ̆ng msir boh jhat ƀom, boh mtuh, ngă tŭ jing klei kñăm truh thŭn 2045 bi doh jih ênhă lăn čhŏ djhan kyua ƀom, boh mtuh truh hnơ̆ng êlam 0,5m; mtă kơ Phŭn bruă ngăn prăk pioh klei găl, kƀĭn msir boh jhat mơ̆ng ƀom. Mđĭ ktang bruă ksiêm dlăng, yua klei kreh knhâo leh anăn kdrăp mrâo mguôp hŏng klei mlih mrô; mđing kơ klei yua kdrăp mrâo ksiêm dlăng ƀom.