Aguah mbruê 21/1, Đỗ Tiến Sỹ, Khua hlăm bruă Đảng gưl dlông, khua êpul bruă Đảng Knŭk kna, khua Sang mđung asăp blŭ Việt Nam nao ksiêm dlăng, mđĭ ai phung čih klei mrâo, phung mkra hdră dôk ngă bruă ti anôk bruă VOV ti anôk bruă klei mrâo Klei kƀĭn prŏng tal 14. Hlăm klei mƀĭ ai phung čih klei mrâo, phung mkra hdră mrâo ktuê dlăng klei bi trông kơ Hră mơar klei kƀĭn prŏng hlăm mmông kƀĭn ti anôk bi kƀĭn aguah hruê 21/1, khua Sang mđung asăp blŭ Việt Nam Đỗ Tiến Sỹ mñă kơ dŭm ekip mơ̆ng grăp anôk bruă lŏ dơ̆ng ktuê dlăng dŭm mta bruă hlăm klei kƀĭn prŏng 14. Hlăm anăn, Êpul klei mrâo VOV1 bi mrâo pral dŭm klei hlăk mblang čiăng mđung asăp, mơĭt dŭm mta phŭn yuôm bhăn mơ̆ng hră mơar truh kơ phung knuă druh, đảng viên leh anăn mnuih ƀuôn sang.

Khua Sang mđung asăp blŭ Việt Nam mñă kơ phung phung čih klei mrâo srăng nao klă, mâo dŭm klei hưn kơ klei kƀĭn Prŏng čiăng đru bi klă klei đăo knang hlăm dŭm mta phŭn klei kƀĭn Prŏng, boh nik jing klei blŭ hrăm mơ̆ng Khua gĭt gai Đảng Tô Lâm leh anăn phung bi ala.