VOV4.Êđê- Tlam 16/4,ƀri gưl bi hdơr 70 thŭn Hruê mblah dưi Điện Biên Phủ, Êpul mă bruă mơ̆ng Knŭk kna mâo Khua knŭk kna Phạm Minh Chính ngă khua êpul myơr leh brui mngưi leh anăn pioh ƀiă mnĭt mmông bi hdơr kơ Đại tướng Võ Nguyên Giáp leh anăn phung êngiă asei jhŏng ktang săn leh asei, mjing klei mblah dưi Điện Biên Phủ “kdrưh kơăm djăp krĭng, hing ang tar boh lăn”.

VOV4.Êđê- Ƀri gưl bi hdơr 120 thŭn hruê kkiêng Khua gĭt gai Đảng Trần Phú, aguah 16/4, Nguyễn Xuân Thắng - Khua hlăm Phŭn bruă kđi čar, Khua êpul gơ̆ng hlak mblang gưl dlông, myơr brui mngưi ti Wăl kriê pioh Khua gĭt gai Đảng Trần Phú (ti să Tùng Ảnh, kdriêk Đức Thọ, čar Hà Tĩnh).

VOV4.Êđê- Aguah 16/4, ti ƀuôn prŏng Ƀuôn Ama Thuôt, čar Dak Lak mkŏ mjing klei hriăm mjuăt, hâo hưn mđĭ klei thâo săng kơ bruă răng mgang knông lăn leh anăn wăl hdĭp mda kơ êbeh 150 čô knuă druh Êpul hgŭm, phung khua thŭn ti dŭm čar krĭng Lăn Dap Kngư.

VOV4.Êđê- Tlam mbruê 15/4, K’iăng Khua knŭk kna Trần Hồng Hà mâo leh klei blŭ hrăm hŏng k’iăng Khua knŭk kna tal 1 hlŏng păn ngă Khua phŭn bruă tuh tia leh anăn duh bi liê ala tač êngao Cuba Ricardo Cabrisas.

VOV4.Êđê- Klei truh mâo ti 1 mmông krah aguah mbruê 16/4 leh anăn kyua mơ̆ng pô mgăt êdeh čŏng nao kdâo hlăm mnuôr êa khăt. Anei jing klei truh hlăm êlan klông tal 3 mâo hlăm 4 hruê êgao ti čar Kon Tum ngă kơ 4 čô djiê leh anăn 26 čô êka.

VOV4.Êđê - Bruă mkra êlan dơ̆ng pral Khánh Hòa – Ƀuôn Ama Thuôt, hlăk dôk bi pral bruă mkra êlan. Phung khua kiă kriê bruă mkra êlan mbĭt hŏng dŭm êtuh čô mnuih ngă bruă, mđrăm mbĭt hŏng lu êdeh êdâo ngă bruă ênuk mrâo dôk ngă bruă hrue lehanăn mlam

VOV4.Êđê- Tlam mbrue 15/4, ti čar Phú Thọ, anôk kiă kriê bruă hâo hưn gưl dlông bi mguôp hŏng hŏng anôk bruă kđi čar lĭng kahan yang ƀuôn Việt Nam lehanăn bruă Đảng čar Phú Thọ mkŏ mjing klei bi tuôm phung ngă bruă klei mrâo, dhar kreh kdŏ mmuiñ alŭ wăl krĭng kngư̆ kwar dưr.

VOV4.Êđê- Dhar bruă gĭt gai Anôk bruă kƀĭn ala ksiêm dlăng leh Hră ba mdah mkra mlih hdră mtrŭn duh bi liê Hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng wưng 2021 - 2023;

VOV4.Êđê- Čar Kon Tum mâo êbeh 500 alŭ, ƀuôn mnuih djuê ƀiă lu kƀĭn ti krĭng taih kbưi. Hlăm dŭm thŭn êgao mơ̆ng klei bi hmô, ba anăp mơ̆ng êpul Khua dlăng bruă Đảng, bruă mkŏ mjing krĭng ƀuôn sang mrâo hlăm krĭng mnuih djuê ƀiă čar Kon Tum mâo lu klei bi mlih, klei hdĭp leh anăn mă bruă mkra mjing mơ̆ng mnuih ƀuôn sang bi mlih jăk.

VOV4.Êđê - Aguah 15/4, 20 čô êka hlăm klei truh êlan klông kjham ti Kon Tum, mâo tlam mmăt hruê 13/4, dưi ba wĭt mdrao ti ƀuôn prŏng Hồ Chí Minh êđăp ênang.