Hlăm wưng êgao, Êpul gơ̆ng djuê ana mơ̆ng Bruă Kbĭn ala leh anăn 3 anôk bruă sinê hdră bi mguôp nao klă hŏng bruă bruă klam mơ̆ng grăp anôk bruă leh anăn mta phŭn hdră bhiăn čiăng hluê ngă dŭm bruă, bi klă mta phŭn, bruă klam leh anăn hdră bi mguôp găl guôp, đru kơ dŭm anôk bruă čŏng pô kah mbha klei hưn, nao hgŭm čih mkra hdră bhiăn, ktuê dlăng leh anăn bi mguôp klei blŭ hdră êlan. bruă bi mguôp anei ba wĭt leh boh tŭ dưn klă klơ̆ng, đru kriê dlăng klei hdĭp, ai tiê mơ̆ng mnuih ƀuôn sang mnuih djuê ƀiă.

Blŭ hrăm gĭt gai klei bi kƀĭn, Khua Bruă Kbĭn ala Trần Thanh Mẫn lač, hdră bi mguôp kñăm lŏ mđĭ hĭn bruă čih mkra hdră bhiăn, ksiêm dlăng hŏng kiă kriê mơ̆ng Knŭk kna, bi mbŏ tur knơ̆ng bi kluôm hdră êlan, ruh mgaih klei dleh dlan hlăm bruă mkŏ mjing, ngă bruă hŏng krĭng mnuih djuê ƀiă, krĭng čư̆ čhiăng, knông lăn, msir dŭm klei kƀah hlăm klei bi mguôp mơ̆ng êlâo truh kơ ară anei, hluê ngă tŭ dưn hĭn hlăm bruă mkăp brei klei hưn leh anăn ktuê dlăng dluê ngă, bi mâo djăp klei čuăn, bruă klam mơ̆ng grăp anôk bruă hlăm wưng mrâo.