Dua čô đảng viên mâo mđup brei mêđai 80 thŭn Đảng jing Nguyễn Đức Chung, 102 thŭn, ti alŭ Vạn Thọ, să Vạn Phú leh anăn aduôn La Thị Hoa, 97 thŭn, ti alŭ mrô 9, ƀuôn hgŭm Tích Lương.

Ti dŭm gŏ sang, Đại tướng Phan Văn Giang bi mklă, Mêđai 80 thŭn Đảng jing klei čih yap hdră bi ktưn, hriăm leh anăn duh myơr nanao mơ̆ng grăp čô đảng viên, mbĭt anăn jing klei ktưn hưn mơ̆ng gŏ sang, găp djuê, ƀuôn sang leh anăn êpul bruă đảng ti alŭ wăl. Đại tướng čang hmăng phung đảng viên khua thŭn lŏ dơ̆ng kriê dlăng klei suaih pral, mđĭ lar knhuah cách mạng, klei thâo kđi čar, jing gru mngač čiăng kơ phung knuă druh, đảng viên, boh nik phung mda asei tui hriăm.