Khua gĭt gai Đảng, Khua Lăn čar Tô Lâm mnă klă Việt Nam dlăng yuôm nanao leh anăn mđing tal êlâo kơ bruă bi kjăp, đĭ kyar klei mjĕ giăm hŏng Lào, sa ai ktang, kluôm dhuôm kơ klei mlih mrâo mơ̆ng Lào. Khua gĭt gai Đảng, Khua Lăn čar Tô Lâm mñă kơ dua Đảng, dua Knŭk kna čiăng lŏ dơ̆ng bi mguôp kjăp, bi klă leh anăn hluê ngă tŭ dưn dŭm klei kuôl kă gưl dlông, kñăm mtrŭt mđĭ tŭ dưn klei bi mguôp hdră êlan, bruă duh mkra mnia mblei hŏng dŭm hdră bruă, bruă mkŏ mkra klă klơ̆ng hluê si klei găl, klei čiăng grăp lăn čar, năng hŏng klei mjĕ giăm kđi čar leh anăn klei găl dua ala čar, čiăng kơ dua ala čar hrăm mbĭt đĭ kyar.

Dua anôk Bruă Kbĭn ala srăng lŏ dơ̆ng mđĭ hĭn klei bi trông, kah mbha klei hriăm, mđĭ boh tŭ dưn hluê ngă bruă klam leh anăn klei dưi hluê si klei čuăn grăp lăn čar, bi mguôp kjăp hŏng dŭm anôk bruă djŏ tuôm čiăng rơ̆ng kơ dŭm hdră êlan, klei kuôl kă plah wah dua Đảng, dua Knŭk kna dưi bi klă klơ̆ng leh anăn hluê ngă tŭ dưn.