Blŭ hrăm ti hruê kƀĭn, Khua gĭt gai Đảng, Khua lăn čar Tô Lâm mtă brei mđĭ lar bruă klam mơ̆ng Mặt trận, dŭm êpul hgŭm, phung khua kiă kriê klei đăo leh anăn phung mâo kơhưm hlăm bruă bi kjăp klei bi mguôp mơ̆ng nah gŭ. Hlăm anăn, Mặt trận brei jĕ giăm mnuih ƀuôn sang, thâo săng mnuih ƀuôn sang, ngă jăk bruă klam bi mguôp leh anăn bi ala kơ ai tiê, klei hmăng hmưi djŏ klă mơ̆ng Mnuih ƀuôn sang.

Khua gĭt gai Đảng, Khua lăn čar Tô Lâm čang hmăng phung khua kiă kriê klei đăo, phung đăo yơng leh anăn mnuih mâo kơhưm lŏ dơ̆ng mđĭ lar klei hmăi jăk mơ̆ng pô hlăm bruă mtô mjuăt knhuah hdĭp, mtrŭt mđĭ klei hriăm hră mar, bi mguôp, ngă bruă đru dŏng leh anăn bi mguôp dŭm êpul êya. Khua gĭt gai Đảng, Khua lăn čar lač dŭm klei mĭn mrâo plah wah mnuih ƀuôn sang dŭm djuê ana, dŭm klei đăo brei dưi mtrŭt mđĭ, čiăng kơ klei bi mguôp ƀrư̆ hruê ƀrư̆ êlam hĭn hluê hŏng dŭm bruă ngă mbĭt, dŭm bruă klam mbĭt kah mbha.