VOV4.Êđê- Hgao thŭn 2023 hŏng lu klei dleh dlan, lông dlăng, dŭm čar krĭng Lăn dap kngư dưi mâo leh lu gru mngač hlăm hdră mđĭ kyar bruă duh mkra ala ƀuôn. Anei jing dŭm boh tŭ dưn hlăm hdră duh mkra pla mjing ngă lŏ hma hŏng dŭm mta mnơ̆ng pla phŭn msĕ si kphê, tiu, boh durian ba leh hnư hrui wĭt lu, jing hdră lŏ krŭ wĭt bruă hiu čhưn ênguê hŏng dŭm boh tŭ dưn jing mâo lu knăm m’ak dhar kreh dŭm djuê ana ƀiă ti krĭng Lăn dap kngư dưi mkŏ mjing. Mŭt hlăm thŭn 2024, dŭm čar hlăm krĭng mâo leh hdră čuăl mkă kluôm truh kơ thŭn 2030 hnơ̆ng trah dlăng truh kơ thŭn 2050 mâo leh Khua knŭk kna bi mklă, jing tur knơ̆ng čiăng kpưn đĭ kjăp hĭn. Klei čih akŏ thŭn mrâo “Lăn dap kngư kjăp klei đăo knang đ

VOV4.Êđê- Yan mnga Giáp Thìn wĭt leh hŏng klei mtah mda mơ̆ng đang ana boh kroh, dŭm êbâo mta mnga bi lông čuh blang ti krĭng lăn dap kngư. Lăn adiê, mnuih msĕ si hrăm mbĭt hŏng dŭm klei bi mlih ti krĭng ƀuôn sang. Thŭn anak rai ba lu klei čang hmăng mđing truh kơ dŭm klei tŭ jing mrâo, hgao klei dleh dlan, lông dlăng, mkŏ mkra ƀuôn sang mdrŏng sah.

VOV4.Êđê- Ơ mnuih ƀuôn sang, dĭng kna lehanăn lĭng kahan hlăm kluôm ala!

VOV4.Êđê - Hŏng klei čang hmăng “Grăp boh sang mâo Tết sơăi, grăp čô mnuih mâo Tết sơăi”, dŭm gưl êpul hgŭm leh anăn bruă sang čư̆ êa dŭm čar Lăn Dap Kngư pioh lu klei mđing dlăng Tết kơ dŭm gŏ sang knŭk kna dlăng ba, phung mâo ai krŭ kdơ̆ng, phung khua thŭn, gŏ êsei ƀun, giăm ƀun, phung mă bruă mâo klei hdĭp dleh dlan, mnuih djuê ƀiă krĭng taih kbưi, krĭng knông lăn, đru kơ mnuih ƀuôn sang dưi dưn sa Tết Giáp Thìn 2024 trei mđao, djăp ênŭm hĭn.

VOV4.Êđê - Hŏng klei gĭr mơ̆ng dŭm gưl, dhar bruă, dŭm hdră duh bi liê knŭk kna ti krĭng Lăn Dap Kngư mâo klei bi mlih ktang yap mơ̆ng knhal jih thŭn 2023, boh nik hlăm bruă êlan klông. Wăt hlăm dŭm hdră bruă mâo lu klei dleh dlan hĭn, ăt mâo klei êdah kdlưn kơ hnơ̆ng ngă bruă, čiăng kơ dŭm alŭ wăl mơ̆ng ƀuôn prŏng truh kơ ƀuôn sang mâo thiăm dŭm ktuê êlan mrâo, dŭm boh kban mrâo, mkŏ dŭm bruă duh mkra mrâo, kơrŭ wĭt klei găl đĭ kyar mrâo hlăm thŭn 2024 leh anăn dŭm thŭn kơ anăp.

VOV4.Êđê - Têt Djuê ana Giáp Thìn giăm truh. Hruê anei, 29 Têt, grăp čô mnuih, grăp sang sang dôk mprăp drông Têt kuh kŭm ênŭm ênap. Mâo lu mnuih tơdah hdơr kơ Têt, jing hdơr kơ ai êwa mprăp hruê Têt, khăp kơ dŭm mnĭt mmông dôk mprăp êmiêt mnơ̆ng dhơ̆ng hlăm dŭm hruê giăm Têt. Phung mduôn dôk guôn phung hđeh êlăk, čô anak mơ̆ng kbưi wĭt kơ sang, phung hđeh dôk guôn gŏ ƀêñ điŏ ksă, dôk guôn čhum ao mrâo, grăp sang sang mprăp bi mdoh pưk sang, bi msiam wăl sang, ana kyâo mtâo, čang hmăng djăp mta ra mnơ̆ng dưi mprăp jăk kăp drông Têt. Dŭm klei anei ngă kơ grăp čô mâo klei mĭn mdê mdê kơ hruê 29 Têt.

VOV4.Êđê - Bri wưng Têt Nguyên đán Giáp Thìn 2024, Khua Anôk bruă kƀĭn ala Vương Đình Huệ lehanăn Êpul bi ala Dhar bruă gĭt gai Anôk bruă kƀĭn ala lehanăn dŭm anôk bruă mơ̆ng Anôk bruă kƀĭn ala nao čuh brui mngưi bi hdơr kơ Khua gĭt gai Hồ Chí Minh ti Sang 67, Wăl anôk gru Khua gĭt gai Hồ Chí Minh ti Adŭ bruă Khua gĭt gai.

VOV4.Êđê - Ƀri hlăm wưng Tết Giáp Thìn 2024, aguah mbrue 6/2, K’iăng khua bruă kƀĭn ala Nguyễn Đức Hải mbĭt hŏng êpul ngă bruă nao čuh leh brui mngưi ti alŭ wăl bi hdơr kơ khua gĭt gai Võ Chí Công; čuă êmuh, hơêč hmưi Tết lehanăn mđup brei mnơ̆ng kơ dŭm gŏ êsei knŭk kna dlăng ba čar Quảng Nam.

VOV4.Êđê - Hlăm 2 hruê 6 – 7/2 (jing 27– 28 Têt), Knơ̆ng bruă kriê pioh knŭk kna krĭng Dhŭng Lăn dap kngư bi hgŭm hŏng Knơ̆ng bruă Mnuih ngă bruă, kahan êka êkeh lehanăn yang ƀuôn čar Dak Lak pŏk leh hdră mbha braih kơ gŏ sang dleh dlan ti čar kñăm đru mnơ̆ng ƀơ̆ng huă hlăm wưng Têt Nguyên đán 2024.

VOV4.Êđê - Ti Anôk bruă hŏng tač êngao, K’iăng khua Phŭn bruă hŏng tač êngao Lê Thị Thu Hằng drông leh Marek Zalewski, Pô bi ala Sang yang Vatican ti Việt Nam.