Bi mklă knŭk kna Việt Nam lŏ dơ̆ng mkra mđĭ wăl mnia blei, mjing klei găl kơ dŭm anôk bruă duh mkra Ơ Rôp, hlăm anăn mâo Airbus, pŏk mlar bruă ngă, bi liê djŏ guôp hŏng hdră bhiăn Việt Nam, Khua knŭk kna đăo knang hŏng tur knơ̆ng bi hgŭm jăk siam mơ̆ng êbeh 40 thŭn hrăm mbĭt, bi hgŭm plah wah Việt Nam leh anăn êpul grup Airbus srăng lŏ dơ̆ng mŭt hlăm wưng đĭ kyar mrâo, klă sĭt hĭn, tŭ dưn, kyua klei tŭ dưn dua tĭng.

Wouter van Wersch bi tŭ ư hŏng klei blŭ mguôp mơ̆ng Khua knŭk kna, bi mklă Việt Nam jing sa klei mđing mrô sa mơ̆ng Airbus, knơ̆ng bruă ƀuh klei găl leh anăn čiăng mđĭ ktang, hyuă kjăp klei bi hgŭm hŏng Việt Nam; amâo djŏ knŏng mkăp êdeh phiơr ôh ƀiădah lŏ mkŏ mjing klei bi hgŭm sui, mđĭ ai ktang kơ bruă êdeh phiơr Việt Nam.