VOV4.Êđê- Tlam mbruê 17/7, ti anôk bruă knŭk kna, Khua knŭk kna Phạm Minh Chính drông Thomas Vallely, khua kiă kriê hđăp hdră Việt Nam hlăm sang hră gưl prŏng Harvard, Mi, ară anei jing khua kiă kriê êpul gơ̆ng sang hră gưl prŏng Fulbright leh anăn phung thơ̆ng kơ bruă sang hră gưl prŏng Fulbright.

VOV4.Êđê- Anăp truh kơ klei bi hdơr 80 thŭn hrue mkŏ mjing lĭng kahan yang ƀuôn Việt Nam, 35 thŭn hrue jih jang mnuih ƀuôn sang răng mgang lăn čar, aguah mbrue,17/7, Khua bruă kƀĭn ala Trần Thanh Mẫn nao čuă lehanăn mă leh bruă hŏng kahan alŭ wăl 3.

VOV4.Êđê- Tlam mbrue 17/7, ti Anôk bruă khua lăn čar, Khua lăn čar Tô Lâm drông leh Hùng Ba – Khua bi ala knŭk kna China ti Việt Nam hriê kkuh čhưn leh jih ruĕ wưng păn bruă ti Việt Nam.

VOV4.Êđê- Tui si boh mơ̆ng phŭn bruă sang hră mơar hưn hlăm aguah mbrue, čar Daklak mâo êbeh 19.800 čô hđeh hriăm hră dưi hlăm klei bi lông jih gưl 3 thŭn 2024, djăp 98,31%.

VOV4.Êđê- Aguah mbruê 17/7, Khua bruă kƀĭn ala Trần Thanh Mẫn nao hlăm klei kƀĭn tal 18, Êpul gơ̆ng bruă ƀuôn sang ƀuôn prŏng Hải Phòng gưl 16, wưng thŭn 2021 – 2026.

VOV4.Êđê- Aguah mbruê 17/7, Khua phŭn bruă êlan klông – dŭ mdiăng Nguyễn Văn Thắng ngă klei ksiêm dlăng bruă rŭ mjing êlan dơ̆ng pral ti alŭ wăl Quảng Bình leh anăn Quảng Trị.

VOV4.Êđê- Krah mlan 6/2024, Sang mđung asăp blŭ Việt Nam mđung leh 3 klei čih kơ êlan dơ̆ng êran pral mlir krĭng ti Lăn Dap Kngư kyua êpul čih klei mrâo Anôk bruă Sang mđung asăp blŭ Việt Nam ti Lăn Dap Kngư hlue ngă. Klei čih lač leh klei kpăk đuôm prŏng hĭn hlăm klei mđĭ kyar bruă duh mkra, ala ƀuôn mơ̆ng krĭng ară anei jing anôk bruă êlan klông ka rơ̆ng kjăp. Mbĭt anăn, lač kơ klei mĭn, klei čiăng bruă sang čư̆ êa leh anăn mnuih ƀuôn sang dŭm djuê ana hlăm krĭng kơ bruă ksiêm dlăng bi liê mkra mđĭ êlan klông, boh nik hnưm bi liê dŭm ktuê êlan dơ̆ng êran pral.

VOV4.Êđê- Tlam mbrue 16/7, ti Sang bruă kƀĭn ala, mkŏ mjing leh knăm bi êdah hdruôm hră “Bruă kƀĭn ala hlăm klei mlih mrâo bi djŏ hŏng klei rŭ mdơ̆ng, bi kjăp knŭk kna mâo klei bhiăn yang ƀuôn ngă phŭn êngiê Việt Nam” mơ̆ng khua gĭt gai Đảng Nguyễn Phú Trọng.

VOV4.Êđê- Bruă dliê kmrơ̆ng čar Dak Lak dôk kƀĭn mđĭ hnơ̆ng pla dliê hlăm yan hjan hŏng hdră kñăm pla mrâo 1.800 ha dliê.

VOV4.Êđê- Hruê 16/7, Knơ̆ng bruă sang čư̆ êa čar Lâm Đồng mâo hră mơar mjêč gĭt gai dŭm anôk bruă, kdriêk, ƀuôn prŏng hlăm čar mjêč pŏk ngă hdră msir mdrơ̆ng hŏng angĭn êbŭ leh anăn adiê hjan prŏng. Gĭr mbĕ đuĕ mnuih ƀuôn sang mơ̆ng krĭng huĭ hyưt klưh hroh lăn, êa lip.