Bruă anei kñăm thiăm mbŏ  vitamin D3K2 (Vitamin D3 lehanăn vitamin K2) jăk đru kơ klei hrip mă canxi, bi kjăp klang lehanăn êgei kơ hđeh. Hlăm bruă anei, êpul mkŏ mjing mâo mkăp leh truh 200 atŏ Vitamin D3K2 kơ 100 čô hđeh mâo klei hdĭp dleh dlan ti ƀuôn hgŭm Ea Kao. Ƀri wưng anei, H’Don Buôn Krông, buôn Bông, ƀuôn hgŭm Ea Kao lač: “Pô ka dưi blei ôh ea drao mbŏ hnơ̆ng tŭ jăk kơ anak, snăn mơak snăk mâo klei đru D3K2 anei, kâo lač jăk lu.”

Dưi thâo hlăm gưl anei, ti Daklak, hlăm hdră anei ară anei ti dŭm boh ƀuôn hgŭm Tân An, Tân Lập, Krông Pắc, Tân Tiến, Ea Phê, Ea Knuếc, mđup jih jang 1.200 atŏ vitamin D3K2 kơ 600 čô hđeh dôk hlăm klei dleh dlan, hŏng ênoh jih jang êbeh 460 êklăk prăk. Hlăm kluôm ala, bruă anei mâo mkăp leh truh 1 êklăk ênoh vitamin D3K2 kơ 5.500 čô hđeh ti 16 boh čar, ƀuôn prŏng./.