Dŭm klei ruă jơ̆ng, kngan, ƀăng êgei, êngoh bi ƀlĕ êrah ăt đĭ ktang hlăm hruê kăm anei, hŏng ênoh mâo klei ruă čih yap jing 1600 čô leh anăn êbeh 2700 čô ruă, hlăm anăn mâo 1 čô djiê kyua êngoh bi ƀlĕ êrah. Bruă sang čư̆ êa čar Lâm Đồng mñă leh kơ knơ̆ng bruă mdrao mgŭn leh anăn dŭm anôk bruă, dhar bruă, alŭ wăl čŏng pô gĭt gai ktang phĭt, ngă tŭ dưn dŭm hdră êlan gang mkhư̆ klei ruă tưp, rơ̆ng mâo djăp mnuih mă bruă, êa drao, kdrăp yua kơ bruă anei.

Bruă sang čư̆ êa čar Lâm Đồng jao kơ knơ̆ng bruă mdrao mgŭn gĭt gai, bi mguôp hŏng dŭm anôk bruă djŏ tuôm leh anăn dŭm ƀuôn hgŭm, anôk bruă knơ̆ng čŏng mkŏ mjing dŭm êpul ksiêm dlăng, đru kơ gang mkhư̆ klei ruă tưp ti dŭm anôk bruă, alŭ wăl, hmao hưn mthâo kơ bruă sang čư̆ êa čar ksiêm dlăng, gĭt gai hŏng dŭm mta phŭn êgao klei dưi.