VOV4.Êđê - Hrue mbrue (15/9), ti sang čang ênuh ala car ti Hà Nội, Êpul khua kiă kriê bruă Đảng gưl dlông, Bruă kƀĭn ala, Khua lăn čar, knŭk kna, Dhar bruă mặt trận čar kwar gưl dlông Việt Nam lehanăn găp djuê mkŏ mjing leh kdrăm k’ah knăm čang ênuh, lehanăn klei bi hdơr kơ Đại tướng Phùng Quang Thanh, Khua phŭn bruă lĭng kahan êlâo dih, mâo mkŏ mjing hlue klei bhiăn čang ênuh gưl ala čar.

Jih jang phung bi ala nao čang ênuh kơ Đại tướng Phùng Quang Thanh mâo: Êpul bi ala phung khua kiă kriê bruă Đảng gưl dlông, mâo Khua lăn čar Nguyễn Xuân Phúc djă akŏ, Khua gĭt gai Đảng êlâo dih Nông Đức Mạnh mbĭt hŏng êpul čang ênuh. Leh kơ anăn, Êpul Khua lăn čar mâo Khua lăn čar Nguyễn Xuân Phúc djă akŏ; Êpul bruă kƀĭn ala mâo Khua bruă kƀĭn ala Vương Đình Huệ djă akŏ, Êpul Knŭk kna mâo khua knŭk kna Phạm Minh Chính djă akŏ; Êpul bruă mặt trận čar kwar gưl dlông mâo kiăng khua dhar bruă mặt trận čar kwar gưl dlông Lê Tiến Châu djă akŏ nao čang ênuh kơ Đại tướng Phùng Quang Thanh./.

Y Khem pô mblang