VOV4.Êđê- K’iăng khua knŭk kna Vũ Đức Đam mrâo bi klă hră mtrŭn mrô 128/NQ-CP mơ̆ng knŭk kna kơ bruă ba mdah klei bhiăn êjai “Hdĭp êđăp ênang, ksiêm dlăng jăk klei ruă tưp Covid-19”. mơ̆ng boh sĭt brei ƀuh, klei hlăk mblang mơ̆ng phung kreh knhâo, phung thơ̆ng kơ bruă, boh blŭ mơ̆ng dŭm alŭ wăl leh anăn êpul gĭt gai bruă gang mkhư̆ klei ruă tưp Covid-19. Knŭk kna bi klă bruă kñăm hlăm bruă gang mkhư̆ klei ruă tưp ăt jing bruă klam kñăm čiăng răng mgang klei suaih pral, klei hdĭp mnuih ƀuôn sang, krŭ wĭt, mđĭ kyar bruă duh mkra ala ƀuôn, bi hơĭt klei hdĭp, klei êđăp ênang hlăm yang ƀuôn, mlih klei ngă bruă hlăm bruă gang mkhư̆ klei ruă tưp jing Hdĭp êđăp ênang, ksiêm dlăng jăk klei ruă tưp Covid-19”. Bi klă hŏng mta kñăm răng mgang klei suaih pral, klei hdĭp mnuih ƀuôn sang, bi hrŏ ƀiă hĭn phung mâo klei ruă tưp, phung ruă đĭ kjham, djiê kyua klei ruă tưp Covid-19. Krŭ wĭt, mđĭ kyar bruă duh mkra ala ƀuôn, bi hơĭt klei hdĭp, klei êđăp ênang hlăm yang ƀuôn, dưi ngă bruă klam mdua, ba ala čar nao hlăm wưng msĕ aguah tlam mrâo.

Pô mblang: Y-Ƀel Êban