VOV4.Êđê - Hâo mdah ti anăp bruă kƀĭn ala, hŏng phung ƀuôn sang hlăm kluôm ala ti anôk bi kƀĭn tal 2, bruă kƀĭn ala gưl 15, khua knŭk kna Phạm Minh Chính brei thâo, thŭn 2021, êjai lăn čar dôk găn klei dleh dlan, klei lông dlăng prŏng jing klei ruă tưp covid 19 tal 4 hŏng mta kman Delta mâo hnơ̆ng tưp lar pral, jing ktang hĭn kơ mta kman êlâo, ngă kơ drei ba yua leh lu hdră gang mkhư̆ klei ruă tưp, tal êlâo hĭn jing kñăm răng mgang kjăp klei suaih pral jih jang mnuih. Kơ kdrêč mđĭ kyar bruă duh mkra thŭn 2022, khua knŭk kna mâo leh hdră êlan gĭt gai hlăm bruă knuă: Păn kjăp hdră êlan mđĭ kyar hlue hŏng hdră mtrŭn klei bi kƀĭn prŏng Đảng 13. Hyuă kjăp hĭn klei bi mguôp jih jang djuê ana, lehanăn jih bruă kđĭ čar, mâo ai tiê čŏng kpưn đĭ tui si klei dưi pô jing phŭn lehanăn čiăng mơh klei đru mơ̆ng êngao. Mdưm kơ klei suaih pral jih jang mnuih tal êlâo, lehanăn ƀrư̆ ƀrư̆ mjing klei êđăp ênang ngă bruă hŏng klei mnêč mdrơ̆ng hŏng klei ruă tưp bi tŭ jing./.

Y Khem pô mblang