VOV4.Êđê- Ti čar Kon Tum kyua hmaĭ mơ̆ng angĭn êbŭ mrô 6 hlăm hruê 24/9. Ti čar mâo adiê hjan man dưn, hjan prŏng ngă kơ lu anôk êngăp êa, klưh hroh lăn. Ti dŭm kdriêk krĭng čư̆ čhiăng mơ̆ng čar Kon Tum mâo: Kon Plong, Tu Mrông, Đăk Glei adiê hjan êa lip ngă dŭm pluh anôk klưh lăn ti dŭm ktuê êlan hŏng dŭm êlan mlir să. Boh klei gun kpăk hlăm êlan klông ăt mâo ti ktuê êlan 40B ti km161+400 ti kdriêk Tu Mrông.

Klei klưh hroh lăn ngă gun kpăk hlăm êlan dơ̆ng prŏng 40B kdrêč găn kdriêk Tu Mrông

Bi ti dŭm alŭ wăl krĭng tlung ti dŭm kdriêk, msĕ si Sa Thầy, Đăk Tô, Đăk Hà, ƀuôn prŏng Kon Tum adiê hjan prŏng ngă êngăp lu kƀan ngă gun kpăk kơ êlan klông. Klei čih yap tal êlâo brei ƀuh ti kdriêk Tu Mrông, Sa Thầu adiê hjan ngă êngăp dŭm pluh ha mdiê lŏ, djam tam leh anăn ngă kơ hlô mnơ̆ng, mnŭ da djiê.

Êa đĭ hlăm êa krông Đăk Bla kdrêč găn ƀuôn prŏng Kon Tum

Ti anăp klei adiê hjan êa lip lŏ dơ̆ng mâo leh anăn năng ai srăng sui truh mlam anei, bruă sang čư̆ êa dŭm kdriêk, ƀuôn prŏng čar Kon Tum mđing kơ bruă rơ̆ng êđăp ênang kơ klei hdĭp leh anăn ngăn drăp mnuih ƀuôn sang.

Pô mblang: H’Zawut Ƀuôn Yă