VOV4.Êđê - Čar Kon Tum lŏ dơ̆ng mâo 12 čô F0 leh anăn 13 čô lŏ wĭt djŏ kman SARS-CoV-2, jing mnuih mă bruă mơ̆ng ƀuôn prŏng Hồ Chí Minh leh anăn dŭm čar Đồng Nai, Bình Dương, Bình Phước wĭt kơ čar.

Phung F0 anei sang ti 4 kdriêk ti čar Kon Tum, mâo: Ngọc Hồi, Sa Thầy, Đăk Tô, Đăk Hà leh anăn dưi bi ktlah hjăn mtam leh truh ti čar. Kơ 13 čô lŏ wĭt djŏ kman SARS-CoV-2 ƀuh hlăm hruê 7/10 ti čar Kon Tum ăt wĭt mơ̆ng ƀuôn prŏng Hồ Chí Minh leh anăn čar Bình Dương. Snăn mơ̆ng hruê 5-7/10, bruă mdrao mgŭn čar Kon Tum ƀuh leh 16 čô F0 leh anăn 25 čô lŏ wĭt djŏ kman SARS-CoV-2. Čar Kon Tum ăt hlăk jing čar sa anăn ti Lăn Dap Kngư ka mâo ôh mnuih ruă hlăm êpul êya.

H Zawut pô mblang