VOV4.Êđê- Hruê mbruê, Mâo sa čô êkei leh djiê dưi mâo ƀuh dôk đung ti dlông êlah êa krông Pô Kô êjai adiê hjam hlĭm, ti să Tân Cảnh, kdriêk Đăk Tô, čar Kon Tum, asei mlei pô anei đung ti dlông êlah êa krông Pô Kô nao phă nah tluôn knơ̆ng êa Đăk Tô ti să Tân Cảnh, kdriêk Đăk Tô, dưi hmao ƀuh mơ̆ng sa êpul mă bruă ti sang mkra mjing Côl leh anăn kpung hbei ƀlang Đak Tô dôk ngă bruă pom êa hlăm brô 7 mmông aguah mbruê.

Tui si klei hưn mthâo mơ̆ng mnuih ƀuôn sang ti să Tân Cảnh, kdriêk Đăk Tô, pô anei jing ayŏng B.V.T, 46 thŭn, dôk ti alŭ 2, wăl krah Đăk Tô. Pô anei kbiă mơ̆ng pưk sang mơ̆ng hruê 11/9/2021 leh anăn mnuih hlăm sang mđung leh klei tui duah hlăm mbah internet yang ƀuôn. Leh hmư̆ klei hưn mthâo, kahan ksiêm kdriêk Đăk Tô tiŏ nao leh êpul ngă bruă nao ksiêm dlăng leh anăn ksiêm duah phŭn agha klei djiê anei.

Pô mblang: Y-Ƀel Êban