VOV4.Êđê - Hruê 21/10, čar Kon Tum ƀuh leh 8 čô jing F0 tal êlâo hlăm êpul êya, maoa 5 čô mnuih hlăm sa gŏ sang ti alŭ 5, să Hà Mòn, kdriêk Đăk Hà lehanăn 3 čô knuă druh, mnuih mă bruă mdrao mgŭn ti Anôk bruă mdrao mgŭn kdriêk Tu Mơ Rông. Klei năng mđing, jih 3 čô knuă druh, mnuih mă bruă mdrao mgŭn ti Anôk bruă mdrao mgŭn kdriêk Tu Mơ Rông dưi bi mklă djŏ kman SARS-CoV-2 ară anei ka thâo phŭn bi mtưp lehanăn dưi tlŏ leh 2 aruăt vaccine gang mkhư̆ Covid 19.

Čiăng gang mkhư̆ klei ruă, anôk bruă sang čư̆ êa čar mâo leh hră mtrŭn mjêč pŏk ngă dŭm hdră msir gang mkhư̆ COVID-19. Klă klơ̆ng, čar Kon Tum mtă brei čuăl krĭng anôk mâo klei ruă čiăng pŏk hdră mdrơ̆ng. Hŏng 4 kdriêk, ƀuôn prŏng mâo mnuih ruă hlăm êpul êya, mâo Đăk Hà, Tu Mơ Rông, Đăk Tô lehanăn ƀuôn prŏng Kon Tum, dŭm êpul êya djŏ tuôm pŏk mtam hdră čuăl krĭng, ksiêm dlăng hlăm ênhă prŏng, bi ktlah krĭng mâo klei ruă Covid 19 (Hlăm ênhă điêt, tơdah čiăng)./.

H Nêc pô mblang