VOV4.Êđê- Hŏng ênhă kphê mboh êbeh 23.200 ha, yan hrui pĕ thŭn anei, hnơ̆ng mâo kphê mơ̆ng čar Kon Tum đăo tĭng êbeh 61.700 ton kphê asăr, đĭ hĭn mkă yan êlâo. Hlăk klei ruă Covid 19 dôk bluh mâo, khădah ênoh kphê đĭ, ƀiădah mnuih pla kphê ti Kon Tum ăt dôk mđing uêñ hlăm bruă hrui blei kphê, boh nik dŭm anôk bruă hrui blei kphê adôk ksŭn kphê mơ̆ng yan êlâo hlăm hjiê.

Ti anăp klei anei, Knơ̆ng bruă mđĭ kyar krĭng ƀuôn sang čar Kon Tum mkŏ mjing leh Êpul bruă gĭt gai bruă duh mkra pla mjing lehanăn bi hgŭm hrui blei mnơ̆ng lŏ hma. Hŏng bruă hrui blei kphê kơ ƀĭng ngă lŏ hma hlăm yan anăp truh, êpul êya čih mkra leh hdră kčah, đru kčĕ lehanăn tui duah anôk hrui blei kơ ƀĭng ngă lŏ hma./.

                                                    Pô mblang: H’Nêč Êñuôl