VOV4.Êđê- Ti čar Kon Tum hlăm 24 mmông êgao mâo adiê hjan prŏng, hnơ̆ng hjan mơ̆ng 80 - 240 mm leh anăn bruă sang čư̆ êa alŭ wăl čih leh dŭm klei luič liê. Aguah 17/10, Knơ̆ng bruă sang čư̆ êa čar Kon Tum mâo hră mơr mjêč mơĭt kơ dŭm Knơ̆ng, dhar bruă, anôk bruă hlăm čar leh anăn Knơ̆ng bruă sang čư̆ êa 10 kdriêk, ƀuôn prŏng pral mdrơ̆ng hŏng adiê jan, êa lip, êngăp êa, klưh lăn.

Kban yuôl ti êa krông Pô Kô hlăm wăl krah Đăk Glei, kdriêk Đăk Glei klưh jhat

Klei luič liê tal êlâo mơ̆ng adiê hjan angĭn êbŭ ngă jing hŏng êlan klông. Kyua adiê hjan prŏng , êa hlăm êa krông đĭ, ti kdriêk Đăk Glei, sa kbah yuôl găn krông Pô Kô mkŏ wăl krah Đăk Glei hŏng 2 alŭ Đông Sông, Đông Thượng êa puh đung.

Anôk êa dlai dlông kban hlăm ktuê êlan nao ti să Đăk Pxi, kdriêk Đăk Hà

Bruă sang čư̆ êa alŭ wăl pơ̆ng mdhă hưn brei răng, tiŏ nao mnuih gak răng ktrâo lač kơ mnuih ƀuôn sang găn kban mkăn. Boh klei adiê hjan, êa lip ngă klưh dua nah êlan ngă kpăk đuôm hlăm êlan klông ară anei ăt mâo ti dŭm ktuê êlan ti kdriêk Kon Plông leh anăn Tu Mrông.

Pô mblang: H’Zawut Ƀuôn Yă