VOV4.Êđê - Êjai dôk găn klei ruă tưp, jih jang bruă mnia mblei hŏng ala tač êngao hlăm 9 mlan êgao ăt krơ̆ng ti hnơ̆ng đĭ kyar kdlưn hĭng kơ ênoh kčah. Boh nik hlăm 9 mlan êgao, ênoh mâo jih jang êbeh 174 êklăk prăk, kdlưn hŏng hdră kčah lehanăn đĭ kyar giăm 41% mkă hŏng wưng anei thŭn dih. Hlăm anăn ksu jingmnơ̆ng lu hĭn mơ̆ng 80 – 85% hlăm ênoh čhĭ kơ ala tač êngao.

Tui si knơ̆ng bruă sang čư̆ êa čar Kontum, khădah dôk găn klei dleh dlan mơ̆ng klei ruă tưp, ƀiădah hlăm 9 mlan êgao čar mâo čhĭ leh kơ ala tač êngao păt giăm ênŭm ênoh čuăn kơ thŭn. Klei găl jing, ênoh čhĭ ksu đĭ kah knar mơ̆ng 15 – 17%. Trung Quốc yơh jing ala čar blei phŭn. Đăo knăl hlăm wưng kơ anăp bruă êdeh êdâo Trung Quốc srăng krŭ wĭt snăn Kontum jing wưng găl čhĭ ktăk ksu kơ bruă anei./.

Y Khem pô mblang