VOV4.Êđê -  Tlam mbrue (8/11), ti ƀuôn prŏng Kontum, bruă Đảng čar Kontum mkŏ mjing leh knăm ksiêm wĭt lehanăn mđup brei klei pah mni klei bi lông hră klei mrâo kơ bruă mkŏ mjing Đảng čar Kontum thŭn 2021. Gưl tal êlâo mâo mkŏ mjing, leh giăm 4 mlan mtrŭt mjhar, Êpul mkŏ mjing klei bi lông Bruă klei mrâo kơ bruă mkŏ mjing Đảng čar Kontum thŭn 2021 mâo tŭ mă leh 168 mta klei čih ba bi lông mơ̆ng 150 čô pô čih, êpul phung čih mkra hriê mơ̆ng 17 alŭ wăl, anôk bruă, êpul êya lĭng kahan hlăm čar.

Hlăm jih jang ênoh ba bi lông mâo hrŏng ruah truh 82 mta dơưi mŭt hlăm gưl knhal tuič. Tui si Êpul mkŏ mjing ksiêm wĭt jih jang klei bi lông čih lač kơ bruă mkŏ mjing Đảng. Êpul hgŭm brei puăng klei bi lông ruah leh mâo 13 klei bi lông yap jing kdlưn hĭn êpul mkŏ mjing pah mni klei pah mni ênoh C kơ 6 klei čih, ênoh B kơ 4 klei čih, ênoh A kơ 3 klei čih. Jih jang ênoh mâo tŭ yap dưi hlăm klei bi lông hră klei mrâo kơ bruă mkŏ mjing Đảng jing klei pah mni kmŭt mnia kñĭ tal 6 thŭn 2021./.

Y Khem pô mblang