VOV4.Êđê- Nga bruă kñăm pla mrâo 15 êbâo ha dliê tui si Hdră mtrŭn klei bi kƀĭn prŏng Đảng čar Kontum tal 16, wưng thŭn 2020 – 2025 kčah, truh krah mlan 9 leh êgao, kluôm čar Kontum pla leh mrâo êbeh 3.600 ha dliê, kdlưn hĭn truh 600ha mkă hŏng hdră kčah hlăm thŭn. Êbeh 3.600ha dliê pla mrâo anăn čar Kontum, ƀuôn prŏng Kontum yơh jing alŭ wăl ba akŏ pla mrâo êbeh 900 ha.

Dŭm kdriêk adôk lu jing dơ̆ng djăp ênoh čuăn, lehanăn kdlưn hĭn hŏng ênoh kčah. Čiăng dưoi pla mrâo dliê, bruă sang čư̆ êa dŭm kdriêk, ƀuôn prŏng čar kontum mtrŭt leh phung ƀuôn sang pla dliê hlăm lăn huôn duôr čư̆ kla, hlăm dŭm ênhă pla hbei ƀlang êlâo dih, hlăm lăn hma buh mdiê amâo lŏ jing, mkŏ mjing klei đru mjeh kyâo, đru ai tiê mă bruă, ktrâo atăt hdră pla mjing hŏng phung ƀuôn sang; tiŏ nao lĭng kahan, knuă druh mnuih mă bruă knŭk kna đru bi nao pla dliê mơh./.

Pô mblang: Y-Khem Niê