VOV4.Êđê -  Hruê 21/10, K’iăng Khua Phŭn bruă hŏng tač êngao Nguyễn Quốc Dũng leh anăn Khua hlăm bruă hŏng tač êngao leh anăn Bi hgŭm Quốc tế Campuchia hrăm mbĭt gaĭt gai ksiêm hriăm kđi čar Việt Nam – Campuchia tal 7 hluê hdră online čiăng bi trông kơ klei bi hgŭm dua nah, bi hgŭm plah wah dua Phŭn bruă hŏng tač êngao leh anăn dŭm bruă lu ala čar, krĭng wăl hdơ̆ng bi mđing.  Hlăm klei ksiêm hriăm bruă kđi čar, dua tĭng bi tŭ ư bi hgŭm mđĭ ktang bruă mnia blei, mđĭ krŭ wĭt bruă duh mkra êdei klei ruă tưp, hyuă kjăp hdră bi hgŭm bruă lĭng kahan mđĭ klei tŭ dưn kriê dlăng êlan knông lăn, mbĭt anăn bi hgŭm tliêr kjăp čiăng mâo hdră msir mgaih hră mơar kơ mnuih ƀuôn sang phŭn agha Việt Nam, lŏ dơ̆ng mđĭ klei tŭ dưn bi hgŭm hlăm dŭm mta bruă yuôm bhăn mkăn msĕ si bruă sang hră, mtô bi hriăm, hâo hưn mtô mblang, dhar kreh mjuăt ktang asei mlei leh anăn mjĕ êrô mnuih ƀuôn sang…

H Zawut pô mblang