VOV4.Êđê- Tlam bruê, ti anôk bruă knŭk kna, khua bruă Đảng gưl dlông, k’iăng khua knŭk kna Lê Minh Khái tŭ drông leh Khua phŭn bruă êa pui êwa čuh Kuwait dôk mâo klei nao čuă leh anăn mă bruă ti Việt Nam. K’iăng khua knŭk kna Lê Minh Khái brei thâo, ară anei klei ruă tưp Covid-19 dưi ksiêm dlăng jăk hĭn leh. Ala čar Việt Nam ƀrư̆ ƀrư lŏ wĭt pŏk ƀăng, ngă hdră êlan “Hdĭp êđăp ênang, hŏng klei mbruă, ksiêm dlăng mâo boh tŭ dưn klei ruă tưp Covid-19”. K’iăng khua knŭk kna mâo klei lač jăk kyua klei đru vaccine mơ̆ng Khua knŭk kna Kuwait kơ Việt Nam leh anăn lač, bruă anei srăng đru kơ Việt Nam hnưm dưi wĭt msĕ hŏng aguah tlam. Bi mguôp hŏng Việt Nam kyua dŭm klei dleh dlan mơ̆ng klei ruă tưp Covid-19, Khua phŭn bruă êa pui êwa čuh Kuwait brei thâo, Khua knŭk kna Kuwait bi klă đru kơ Việt Nam 500.000 hnơ̆ng vaccine Covid-19, mbĭt anăn knŭk kna Kuwait ăt ksiêm dlăng đru kơ Việt Nam gang mkhư̆ klei ruă tưp Covid-19.

Pô mblang: Y-Ƀel Êban