VOV4.Êđê - Tlam mbrue (8/9), knơ̆ng bruă sang čư̆ êa čar Lâm Đồng mâo leh hră brei klei dưi ngă bruă mđrĭng hŏng bruă gang mkhư̆ klei ruă tưp, hlăm boh klei mrâo. Ară anei čar Lâm Đồng dlăng kluôm dưi mkhư̆ leh klei ruă tưp, klei ruă tưp kreh truh hŏng čar lu jing kbiă hriê mơ̆ng phung mgăt êdeh dŭ mdiăng mnơ̆ng, lehanăn mnuih wĭt mơ̆ng dŭm alŭ wăl mâo klei ruă tưp. Hŏng dŭm anôk hmao ƀuh lehanăn gang mkhư̆ leh pral.

Rơ̆ng čiăng kơ jih jang bruă mâo klei tŭ dưn “Kñăm ngă bruă mdua” mdrơ̆ng hŏng klei ruă tưp êjai lehanăn mđĭ kyar bruă duh mkra êjai. Mjing djăp klei găl kơ phung duh mkra, lehanăn phung ƀuôn sang bi hrŏ klei dleh dlan, Knơ̆ng bruă sang čư̆ êa čar Lâm Đồng mtă leh kơ dŭm knơ̆ng dhar bruă, êpul êya, lehanăn knơ̆ng bruă sang čư̆ êa dŭm kdriêk, ƀuôn prŏng hlăm čar brei klei dưi lŏ wĭt ngă bruă yap mơ̆ng 5h tlam hrue mbrue (8/9), mdei jih jang anôk kiă răng kơ bruă gang mkhư̆ klei ruă tưp covid 19 đơ knua hlăm čar. Hjăn dŭm anôk kiă ti mbah mŭt kbiă mơ̆ng čar ăt adôk djă pioh./.

Y Khem pô mblang