VOV4.Êđê - Aguah mbruê, ti alŭ wăl gơ̆ng knông lăn 16.3, hlăm êlan knông lăn Việt Nam - Campuchia, knơ̆ng gĭt gai lĭng kahan knông lăn čar Kon Tum mkŏ mjing leh bruă mđup brei mnơ̆ng ƀơ̆ng huă, kdrăp yua bruă mdrao mgŭn kơ êpul răng mgang knông lăn ti čar Rattanakiri, ala mtao Campuchia.

Klă sĭt, êpul mđup brei leh 3,5 tôn braih, 20 huôm ƀung hdang krô leh anăn mnơ̆ng yua bruă mdrao mgŭn đru hlăm bruă gang mkhư̆ klei ruă tưp Covid-19 hŏng ênoh giăm 55 êklăk prăk. Bruă ngă anei kñăm bi kjăp, mtrŭt mđĭ klei bi mguôp, ƀĭng hgŭm plah wah 2 êpul êya răng mgang knông lăn, gang mkhư̆ klei găn knông lăn soh hŏng hdră bhiăn, gang mkhư̆ phung ngă soh leh anăn gang mkhư̆ klei ruă tưp Covid-19.

Y Ƀel pô mblang