VOV4.Êđê - Aguah hruê 8/9, ti Anôk bruă kƀĭn ala, mkŏ mjing leh Klei bi kƀĭn hyuă kjăp, hluê ngă Hdră mă bruă mơ̆ng Đảng Êpul bruă kƀĭn ala hluê ngă Hdră mtrŭn Klei bi kƀĭn phung bi ala kluôm ala čar tal 13 mơ̆ng Đảng lehanăn Hdră mă bruă mơ̆ng Anôk bruă Đảng Adŭ bruă kƀĭn ala hluê ngă Hdră mtrŭn Klei bi kƀĭn phung bi ala kluôm ala čar tal 13 mơ̆ng Đảng.

Khua hlăm Phŭn bruă kđi čar, K’iăng khua bruă kƀĭn ala Trần Thanh Mẫn nao ti anôk bi kƀĭn. Blŭ hrăm ti anôk bi kƀĭn, Trần Thanh Mẫn mtă brei lŏ mlih mrâo hdră mkŏ mjing lehanăn ngă bruă mơ̆ng Anôk bruă kƀĭn ala, mlih mrâo hdră mă bruă, mđĭ hnơ̆ng tŭ jăk, klei tŭ dưn hdră mă bruă, mđĭ lar klei ngă phŭn mil pô, mđĭ klei thâo kơ bruă hlăm klei hluê ngă bruă klam čih mkra klei bhiăn, ksiêm dlăng, bi mklă dŭm bruă yuôm bhăn mơ̆ng lăn čar. Dŭm êpul bruă Đảng brei pŏk ngă hdră bruă mâo čih mkra djŏ hŏng bruă klam kđi čar lehanăn mjing klei găl klă klơ̆ng kơ grăp êpul êya bruă Đảng, anôk bruă hŏng klei gĭr prŏng, bi hgŭm mguôp, mĭn mrâo, hgao klei dleh dlan bi leh jih bruă klam mâo kčah jao./.

H Nêč pô mblang