VOV4.Êđê - Kčưm mơ̆ng knhal jih hrue kăm anei, mâo dŭm anôk hlăp mbul, anôk hiu čhưn ênguê hlăm ƀuôn prŏng Hồ Chí Minh msĕ si War rông hlô, ƀuôn hiu čhưn ênguê Bình Quới, war mnga Dhar kreh Đầm Sen srăng lŏ wĭt pŏk ƀăng kơ puhng ƀuôn sang lehanăn phung tue hiu čhưn.

Anei jing klei lu phung ƀuôn sang dôk čang guôn. Mơ̆ng anăn, kčưm mơ̆ng hrue 6/11, war mnga dhar kreh Đầm Sen pŏk ƀăng. Jih jang klei hlăp mbul, klei hiu čhưn hlăm wăl tač, anôk čhĭ êa mnăm kphê, mnơ̆ng ƀơ̆ng srăng lŏ wĭt mă bruă msĕ si hđăp. Siămdah, hlăm wưng tal êlâo, war mnga knŏng pŏk ƀăng hlăm knăm năm lehanăn kjuh grăp hrue kăm. Dŭm anôk hiu čhưn ênguê dhar kreh – mnơ̆ng ƀơ̆ng huă msĕ si: war mnga Minh Trân kdriêk čar Tân Bình, alŭ wăl hlăp mbul čhưn dhing Văn Thánh, Tân Cảng; Bình Quới, kdriêk čar Bình Thạnh hưn mthâo mơh srăng lŏ pŏk ƀăng./.

Y Khem pô mblang