VOV4.Êđê- Aguah anei (8/10) ti Hà Nội, Phŭn bruă lŏ hma mkŏ mjing klei bi kƀĭn online kluôm ala kơ “Klei mđĭ kyar bruă rông mnơ̆ng hlăm dŭm mlan knhal jih thŭn 2021, lehanăn ngă bruă kơ thŭn 2022”. Hlăk dôk tuôm hŏng Klei ruă tưp Covid 19 kơ mnuih lehanăn klei ruă tưp kơ mnơ̆ng rông, snăn klei čhĭ mnia boh mnga mnơ̆ng mơ̆ng bruă lŏ hma tuôm hŏng klei dleh dlan, êjai anăn mnơ̆ng pioh čiêm mnơ̆ng rông blei yuôm đĭ 4,2% mkă hŏng wưng anei thŭn dih. Mơ̆ng anăn, hlăm 9 mlan êgao, ênoh jih jang kđeh čĭm adôk hgăl mâo čhĭ jing êbeh 4 tôn 7, hŏng êbeh 12 êklai asăr boh mnŭ lehanăn giăm 900 êbâo tôn êa ksâo. Tui si klei ksiêm yap kluôm, bruă rông mnơ̆ng hlăm knhal jih thŭn ăt dôk tuôm hŏng lu klei dleh dlan, čiăng bi mâo hdră êlan ruh mgaih, boh nik hlăm bruă hiu ba čhĭ, dŭ mdiăng kđeh čĭm, lehanăn blei mprăp mnơ̆ng rông, rơ̆ng bi mâo djăp ênoh čĭm čhĭ hlăm wưng tết nguyên đán lehanăn sa kdrêč pioh čhĭ kơ ala tač êngao./.

Pô mblang: Y-Khem Niê