VOV4.Êđê - Ƀri hlăm wưng mlan pur yan hla luh, aguah mbruê, êpul bruă Đoàn gưl dlông ƀuôn prŏng Hồ Chí Minh, Êpul hgŭm phung hđeh êdam êra gưl dlông Việt Nam lehanăn êpul phung êa mdrao mda asei gưl dlông Việt Nam mđup brei leh kơ êpul bruă Đoàn ƀuôn prŏng Hà Nội lehanăn êpul phung êa mdrao mda asei Hà Nội 1 êbâo 500 klŏ ƀêñ kơ phung êa mdrao, nao mdrao dôk ngă bruă klam gang mkhư̆ klei ruă tưp lehanăn 100 hruh êa drao F0 đru kơ bruă mdrao mgŭn ti Hà Nội. Mơ̆ng hruê 12/9 truh kơ hruê 20/9, êpul bruă Đoàn gưl dlông ƀuôn prŏng Hồ Chí Minh, Êpul hgŭm phung hđeh êdam êra gưl dlông Việt Nam mbĭt hŏng phung čŏng nao ngă bruă mkra leh 12 êbâo klŏ bêñ čiăng mđup brei kơ phung êa mdrao, nai mdrao ba anăp bruă gang mkhư̆ klei ruă tưp. Năng mđĭng hĭn dŭm êpul bruă Đoàn anăn lŏ mbha 3.000 hruh êa drao F0 lehanăn bêñ kơ dŭm čô mâo klei ruă tưp Covid-19 dôk mdrao ti sang, mâo ênoh giăm 800 êbâo prăk sa hruh. êpul phung êa mdrao mda asei gưl dlông Việt Nam ăt lo đru leh kơ 50 čô êa mdrao, nai mdrao mâo klei dleh dlan, sa čô 10 êklăk prăk, hlăm anăn ti Hà Nội mâo 10 čô.

Y Ƀel pô mblang